Ruben Amorim APLning 26-turida "Everton" bilan durang (2:2) haqida gapirdi.
93-daqiqada, hisob 2:2 bo‘layotgan pallada mezbonlar himoyachisi Eshli Yang qaytgan to‘pga zarba yo‘llamoqchi edi va "Manchester Yunayted" himoyachisi Matteys de Ligt uni futbolkasining orqasidan ushlab olganidan keyin Yang yiqildi.
Bosh hakam Endi Medli nuqtani ko‘rsatdi. Biroq VAR hakamlari voqeaga aralashishdi va Madli o‘zining dastlabki qarorini bekor qildi.
"Menimcha, men ko‘rgan narsalarimdan yengil aloqa bor edi. Menimcha, penalti uchun ozgina asos bor edi, bu aniq.
Biz uch ochko olishimiz kerak edi, butun uchrashuvda ustunlik qilishimiz kerak edi. Eng yomoni shundaki, biz bosimsiz to‘pni yo‘qotamiz va kerakli narsani qilmaymiz. Bizda ishonch yetishmadi.
Mashg‘ulotlarda biz ham shunday qilishimiz kerak. Ikkinchi bo‘limda biz hech narsani o‘zgartirmadik. Biz imkoniyatlar yaratishni yaxshilashimiz kerak, bu o‘yinni yakunlashda ham qiyinchiliklarga duch keldik".
Jamoani yanada barqaror qilish uchun nima qilish mumkinligi haqida:
"Bilmadim. Agar bilsam, allaqachon qilgan bo‘lardim. Hafta davomida nima qilsak, o‘yinda yaxshiroq harakat qilishimiz kerak. Hozir biz kundan-kunga oldinga borishga e’tibor qaratishimiz kerak. Biz bu mavsumni yakunlab, keyin kelajak haqida o‘ylashimiz kerak. Men faqat salbiy haqida gapirishni xohlamayman. Ikkinchi bo‘limda g‘alaba qozonishga yaqin edik", - dedi "Manchester Yunayted" bosh murabbiyi TNT Sports telekanaliga bergan intervyusida.
