"Bayer" avgust oyi oxiridan beri Bundesligada mag‘lub bo‘lmadi.

Bugun Xabi Alonso shogirdlari Germaniya chempionatining 23-turida "Xolshtayn Kil"ni mehmonda mag‘lub etishdi (2:0).

"Bayer"ning Bundesliganing joriy mavsumidagi yagona mag‘lubiyati 31 avgust kuni "Leypsig"ga qarshi o‘yinda (2:3) qayd etilgandi. O‘shandan beri leverkuzenliklar chempionatda qatorasiga 21 o‘yinda mag‘lub bo‘lmagan - jamoa 13 marta g‘alaba qozongan va 8 marta durang o‘ynagan.

Bundesliganing navbatdagi turida "Bayer" "Ayntraxt" bilan uchrashadi. 23-turdan so‘ng jamoa Bundesligada bir o‘yini bor "Bavariya"dan 5 ochko ortda qolib, 2-o‘rinda bormoqda.