Madridning "Real" klubi Ispaniya chempionatining 25-turidan o‘rin olgan "Jirona"ga qarshi o‘yinda norozilik namoyishiga tayyorgarlik ko‘rmoqda, deb xabar beradi "Relevo".
Jurnalistlar xabariga ko‘ra, "qirollik klubi" muxlislarni La Liganing bo‘lajak uchrashuvining 12-daqiqasida "Federasiyada korrupsiya" deb hayqirishga chaqirgan. Shu tariqa "qaymoqranglilar" Ispaniyadagi hakamlar faoliyatidan qattiq noroziligini ko‘rsatmoqchi.
"Real" - "Jirona" uchrashuvi bugun, 23 fevral kuni Madriddagi "Santyago Bernabeu" stadionida bo‘lib o‘tadi. Uchrashuv Toshkent vaqti bilan 20:15 da boshlanishi rejalashtirilgan.
