Muhammad Saloh "Manchester Siti"ga gol urib, gollar seriyasini uzaytirdi.
"Liverpul" vingeri APL doirasidagi "Siti"ga (2:0, ikkinchi bo‘lim) qarshi o‘yinning 14-daqiqasida hisobni ochdi. Unga Dominik Soboslai assist berdi.
Misrlik futbolchi Angliya chempionati, Angliya Liga kubogi va Chempionlar ligasi bilan hisoblaganda ketma-ket 8-o‘yinda gol urdi.
U APLda 25 ta gol bilan to‘purarlar ro‘yxatida Erling Xoland ("Manchester Siti") va Aleksandr Isakni ("Nyukasl") 6 ta to‘pga ortda qoldirib, peshqadamlik qilmoqda.