"Barselona"ning sobiq yarim himoyachisi Artur "Real"ni dunyoning eng yaxshi jamoasi deb atadi.
28 yoshli braziliyalik "Jirona"da "Yuventus"dan ijara asosida to‘p tepmoqda. U kecha La Liganing 25-turida "Madrid" mehmoni bo‘ldi (0:2).
"Biz har bir o‘yinda qo‘limizdan kelganini qilishga harakat qilamiz, doim g‘alaba qozonishni xohlaymiz. Ammo biz "Bernabeu"da "Real"ga qarshi o‘ynadik - menimcha, ular dunyoning eng yaxshi jamoasi," - dedi 3CAT efirida 2018 yildan 2020 yilgacha "Barselona"da o‘ynagan Artur.













