La Liga prezidenti Xavyer Tebas «Barselona»ga qarshi Negreyra ishi bo‘yicha ehtimoliy jazo haqida fikr bildirdi.  

«Sport korrupsiyasi jinoiy huquq yurisdiksiyasiga kiradi va unda muddat yo‘q.  

[«Barselona»ning to‘lovlari] hakamlarni sotib olishni anglatmaydi, lekin biz bu mablag‘lar Negreyra orqali hakamlarning reytingini oshirish yoki tushirish uchun berilgan deb hisoblaymiz. Bu sport korrupsiyasidir. Jinoiy huquq nuqtai nazaridan muddat o‘tmagan.  

Ammo sport huquqiga ko‘ra, to‘lovlar haqidagi dalillar aniqlangan paytda uch yil o‘tgan edi va sport qonunchiligi bo‘yicha muddat o‘tgan hisoblanadi. Agar imkonimiz bo‘lganida, albatta, tegishli sanksiyalarni qo‘llardik.

Agar muddat o‘tmagan bo‘lsa, «Barselona» La Ligadan chiqarilgan bo‘lardi, bu haqda avval ham aytganman», — dedi Tebas  

Eslatib o‘tamiz, Negreyra ishi 2023 yilda oshkor qilingan bo‘lib, «Barselona»ning Ispaniya hakamlar qo‘mitasi sobiq vise-prezidenti Xose Mariya Enrikes Negreyraga millionlab yevro to‘lagani aniqlangan edi.