"Inter" hujumchisi Markus Tyuram "neradzurrilar" tarkibida individual mashg‘ulot o‘tkazdi.
FSInter1908 xabariga ko‘ra, forvard shu tariqa to‘pig‘idagi muammoni imkon qadar tezroq hal qilishga harakat qilmoqda.
“Inter” yaqinda “Jenoa” ustidan qozonilgan g‘alabadan so‘ng (1:0) bir kunlik dam oldi.
Tyuram jarohatidan tiklanish bosqichida. U 10 fevral kuni “Fiorentina”ga qarshi o‘yinda to‘pig‘idan jarohat olgan edi.
Fransiyalik futbolchining maqsadi kelasi hafta oxiriga rejalashtirilgan “Napoli”ga qarshi muhim o‘yinga tayyor bo‘lishdir.
