"Manchester Siti" yozgi transferlar davrida tarkibni sezilarli darajada kuchaytirishni rejalashtirmoqda. «Sky Sports» xabariga ko‘ra, "shaharliklar" uch nafar futbolchi - "Yuventus" himoyachisi Andrea Kambyazo, "Torino" yarim himoyachisi Samuel Richchi hamda Portugaliyaning "Sporting" klubi himoyachisi Usmon Diomandeni o‘z safiga qo‘shib olmoqchi.

Eslatib o‘tamiz, "Yuventus"ning universal futbolchisiga "Man Siti" qiziqish bildirayotgani haqida qishki transferlar davridayoq xabarlar tarqalgan edi. Manbaga ko‘ra, "shaharliklar" yozda Kambyazoni qo‘lga kiritishga yana bir bor urinib ko‘radi.

Qayd etilishicha, "Torino" himoyachisi Samuel Richchining atrofidagilar bilan ham muzokaralar boshlangan. Nashr ma’lumotlariga ko‘ra, "Sporting" markaziy himoyachisi Diomandega shaxsan klubning yangi sport direktori Ugu Viana qiziqish bildirmoqda, u ivuarlik futbolchini o‘z pozisiyasida avlodning eng iqtidorli o‘yinchilaridan biri deb hisoblaydi.