"Манчестер Сити" ёзги трансферлар даврида таркибни сезиларли даражада кучайтиришни режалаштирмоқда. «Sky Sports» хабарига кўра, "шаҳарликлар" уч нафар футболчи - "Ювентус" ҳимоячиси Андреа Камбьязо, "Торино" ярим ҳимоячиси Самуэль Риччи ҳамда Португалиянинг "Спортинг" клуби ҳимоячиси Усмон Диомандени ўз сафига қўшиб олмоқчи.
Эслатиб ўтамиз, "Ювентус"нинг универсал футболчисига "Ман Сити" қизиқиш билдираётгани ҳақида қишки трансферлар давридаёқ хабарлар тарқалган эди. Манбага кўра, "шаҳарликлар" ёзда Камбьязони қўлга киритишга яна бир бор уриниб кўради.
Қайд этилишича, "Торино" ҳимоячиси Самуэль Риччининг атрофидагилар билан ҳам музокаралар бошланган. Нашр маълумотларига кўра, "Спортинг" марказий ҳимоячиси Диомандега шахсан клубнинг янги спорт директори Угу Виана қизиқиш билдирмоқда, у ивуарлик футболчини ўз позициясида авлоднинг энг иқтидорли ўйинчиларидан бири деб ҳисоблайди.
