"Bryugge" himoyachisi Maksim De Keyper faoliyatini Italiyada davom ettirishi mumkin, deya xabar bermoqda jurnalist Nikolo Skira.
Manbaga ko‘ra, 24 yoshli belgiyalik futbolchiga "Milan" da’vogarlik qilmoqda. Italiya klubi vakillari allaqachon futbolchining agenti bilan uchrashgan. Himoyachiga "Arsenal" ham qiziqish bildirmoqda.
De Keyper joriy mavsum 38 ta o‘yinda maydonga tushdi va o‘z hisobiga 4 ta gol hamda golli uzatma yozdirib qo‘yishga erishdi. Transfermarkt portali futbolchining narxini 12 million yevroga baholamoqda.
