"Andijon" – "Zenit"-2 (1:1) uchrashuvidan keyin raqib jamoa ustozi Konstantin Konoplyov "Andijon" matbuot xizmatiga quyidagicha munosabat bildirdi:
"Bu haqida fikrim shunday: biz to‘pni o‘zimizda saqlash orqali uni nazoratimizga olishga intildik. Raqib esa hujumlarimizda yo‘l qo‘ygan xatolarimizdan unumli foydalanishga harakat qilib, tezkorlik bilan qarshi hujumlarga o‘tdi. Shuning hisobiga ular darvozamiz oldida bir qator xavfli vaziyatlarni yuzaga keltirdi. O‘z o‘rnida biz to‘pni nazoratimizga olganimiz evaziga qanotlardan hujumlar tashkil qildik. Ammo vaziyatlardan samarali foydalana olishda oqsadik. Shuning uchun o‘yindagi 1:1 hisobini unga mos, deb bilaman.
Bugungi o‘yinda markaziy va qanotlardagi himoyachilarimiz yaxshigina mashq qilib olishdi, deb ayta olaman. O‘rta chizig‘imizdagilar ham ko‘proq ikkinchi qavatda kurashishga majbur bo‘ldilar. Xullas, bugungi bellashuv biz uchun har tomonlama foydali bo‘ldi, deya bemalol ayta olaman".
