Braziliyalik hujumchi Neymar qishda "Al-Hilol"ni tark etib, "Santos"ga qaytdi. Shu munosabat bilan Saudiya klubi bosslari yangi yulduz izlash bilan shug‘ullandi.
Todofichajes portali ma’lumotiga ko‘ra, Saudiya Arabistoni chempioni qiziqishlari doirasiga Portugaliya terma jamoasi va "Milan" vingeri Rafael Leau tushgan. 25 yoshli futbolchining ehtimoliy transferi 80 million yevroga baholanmoqda. Uning Italiya klubi bilan shartnomasi 2028 yilning yozida yakuniga yetadi.
Avvalroq matbuotda Rafaelga Kataloniyaning "Barselona" klubi qiziqish bildirayotgani haqida xabarlar tarqalgan edi. "Ko‘k-anorranglilar" safida portugaliyalik braziliyalik Rafinya o‘rnini egallashi mumkin.
