Hujumchi Muhammad Saloh "Liverpul" bilan yangi mehnat shartnomasini imzolashga yaqin turibdi. Bu haqda Todofichajes portali jurnalistlari xabar bermoqda.
Tomonlar faol muzokaralar olib bormoqda, barchasi ijobiy ruhda rivojlanmoqda. Eslatib o‘tamiz, Muhammad va Mersisayd grandi o‘rtasidagi amaldagi mehnat shartnomasi 2025 yil iyun oyi oxirida tugaydi. 32 yoshli misrlik futbolchining transfer narxi 55 million yevroni tashkil etadi.
Saloh ajoyib mavsum o‘tkazmoqda va "Oltin to‘p" uchun da’vogarlardan biri hisoblanadi. Muhammad Premyer-liganing joriy mavsumida 27 ta o‘yin o‘tkazib, 25 ta gol va 16 ta golli uzatmani o‘z hisobiga yozdirib qo‘ydi.
