Ҳужумчи Муҳаммад Салоҳ "Ливерпуль" билан янги меҳнат шартномасини имзолашга яқин турибди. Бу ҳақда Todofichajes портали журналистлари хабар бермоқда.

Томонлар фаол музокаралар олиб бормоқда, барчаси ижобий руҳда ривожланмоқда. Эслатиб ўтамиз, Муҳаммад ва Мерсисайд гранди ўртасидаги амалдаги меҳнат шартномаси 2025 йил июнь ойи охирида тугайди. 32 ёшли мисрлик футболчининг трансфер нархи 55 миллион еврони ташкил этади.

Салоҳ ажойиб мавсум ўтказмоқда ва "Олтин тўп" учун даъвогарлардан бири ҳисобланади. Муҳаммад Премьер-лиганинг жорий мавсумида 27 та ўйин ўтказиб, 25 та гол ва 16 та голли узатмани ўз ҳисобига ёздириб қўйди.