«Inter Mayami» seshanba kechqurun CONCACAF Chempionlar kubogi musobaqasining ikkinchi o‘yinida «Sporting Kanzas Siti» jamoasini 3-1 (umumiy hisobda 4-1) hisobida mag‘lub etdi.
Xavyer Maskerano boshqaruvidagi jamoa uchun bu juda ham kuchli o‘yin bo‘ldi. Ushbu bahsda Lionel Messi hisobni ochdi. Argentinalik yulduz o‘yinning 19-daqiqasida Luis Suaresning uzatmasini ajoyib zarba bilan darvozadan joyladi.
Shundan so‘ng birinchi bo‘limga qo‘shib berilgan daqiqalarda yana ikki gol kiritildi. Birinchisini Tadeo Allende, ikkinchisini esa Luis Suares urib, hisobni yirik ko‘rinishga keltirishdi.
Ikkinchi bo‘limda "Sporting" jamoasi bitta javobini to‘pini kiritishga muvaffaq bo‘ldi.
Musobaqaning keyingi bosqichida «Inter Mayami» Yamayka Premyer-ligasining "Kavalyer" jamoasiga qarshi bahs olib boradi. Ushbu klub o‘z tarixida uch marta milliy chempion bo‘lgan. Ular 2023-24 mavsumida o‘z chempionligini qo‘lga kiritgan va 2023-24 CONCACAF Caribbean Cup musobaqasida ham g‘olib chiqqan.













