"Liverpul" bosslari 30 yoshli Endryu Robertsonning o‘rnini egallaydigan himoyachi qidirmoqda. Bu haqda Teamtalk xabar bermoqda.
Mersisayd grandi qiziqishlari doirasiga "Nyukasl" himoyachisi Lyuis Xoll tushdi. "Qizillar" 20 yoshli futbolchini yozgi transferlar davrida o‘z safiga qo‘shib olishga urinib ko‘radi. Eslatib o‘tamiz, Lyuis "qarg‘alar" safiga o‘tgan yili Londonning "Chelsi" klubidan ko‘chib o‘tgan edi.
Xoll Angliya chempionatining joriy mavsumida 26 ta o‘yin o‘tkazdi. Himoyachi to‘rtta assist amalga oshirdi va uchta sariq kartochka oldi. Uning transfer narxi 25 million yevroga baholanmoqda.
