Bugun, 26 fevral kuni APLning 27-turida "Liverpul" "Enfild"da "Nyukasl"ni qabul qiladi. "Qarg‘alar" so‘nggi yillarda mersisaydliklar uchun qulay raqibga aylandi. "Qizillar" 9 mavsumdan buyon ushbu raqib bilan duelda mag‘lubiyat nimaligini bilmay kelmoqda.
"Nyukasl" oxirgi marta "Liverpul"ni 2015 yilning dekabrida - o‘z maydonida 2:0 hisobida mag‘lub etgan, o‘shanda gollardan birini allaqachon faoliyatini yakunlagan "qizillar" himoyachisi Martin Shkrtel o‘z darvozasiga kiritgandi.
Shundan so‘ng "Liverpul" 11 o‘yinda g‘alaba qozondi, jamoalar o‘rtasidagi yana 5 uchrashuv durang bilan yakunlandi.













