"Liverpul" bosh murabbiyi Arne Slot Angliya chempionatining 27-turida "Nyukasl" ustidan qozonilgan 2:0 hisobidagi g‘alabani izohladi.  

— Ha, ko‘rganlarim yoqdi, lekin hali yaxshilash kerak bo‘lgan jihatlar bor. Juda yaxshi o‘ynadik – nafaqat asosiy tarkibdagi futbolchilar, balki zaxiradan tushganlar ham. Hali oldinda uzoq yo‘l bor, o‘nta o‘yin qoldi. Mart oyida faqat bitta APL o‘yini o‘tkazamiz, shundan so‘ng Kubok finali, xalqaro tanaffus va "PSJ"ga qarshi muhim ikki bahs bor. Shuning uchun uzoq muddatli rejalarga emas, hozirgi o‘yinlarga e’tibor qaratyapmiz.  

Men ham, futbolchilar ham Chempionlar Ligasi o‘yini qay darajada og‘ir bo‘lishini bilamiz. Ular ham xuddi biz kabi yuqori sport formasida va deyarli yutqazishmaydi. Bu har ikki jamoa uchun qiyin sinov bo‘ladi, — deya Slotning so‘zlarini keltiradi BBC.