"RB Leypsig" himoyachisi Kastello Lyukeba "Manchester Yunayted" qiziqishlari doirasiga tushib qoldi, deya xabar bermoqda "Todofichajes" portali. Mankunianliklar 22 yoshli futbolchini kelasi mavsum oldidan o‘z safiga qo‘shib olmoqchi.
Manbaga ko‘ra, himoyachining transferi uchun tovon puli 90 million yevroni tashkil etadi. Biroq, "qizil iblislar" rahbariyati futbolchini 75 million evaziga transfer qilish bo‘yicha kelishuvga erishmoqchi.
22 yoshli futbolchi 2029 yilning iyun oyi oxirigacha "buqalar" bilan mehnat shartnomasi bor. Kastelloning transfer narxi 50 million yevroga baholanmoqda.
