"Real" mavsum davomida jarohatlar bilan bog‘liq muammolarga duch kelishda davom etmoqda. Payshanba kuni klub yarim himoyachi Dani Sebalyosga tashxis qo‘yilganini e’lon qildi, ammo 28 yoshli futbolchining tiklanish muddati haqida hech narsa ma’lum qilmadi.

«COPE» xabariga ko‘ra, Sebalyosning tiklanishi uchun taxminan ikki oy vaqt kerak bo‘ladi. Katta ehtimol bilan yarim himoyachi maydonga may oyida, mavsumning hal qiluvchi pallasi boshlanganida qaytadi.

Sebalyos bu mavsumda "Real"ning 30 ta rasmiy o‘yinida maydonga tushdi va 2 ta golli uzatmani o‘z hisobiga yozdirib qo‘ydi.