"Реал" мавсум давомида жароҳатлар билан боғлиқ муаммоларга дуч келишда давом этмоқда. Пайшанба куни клуб ярим ҳимоячи Дани Себальосга ташхис қўйилганини эълон қилди, аммо 28 ёшли футболчининг тикланиш муддати ҳақида ҳеч нарса маълум қилмади.
«COPE» хабарига кўра, Себальоснинг тикланиши учун тахминан икки ой вақт керак бўлади. Катта эҳтимол билан ярим ҳимоячи майдонга май ойида, мавсумнинг ҳал қилувчи палласи бошланганида қайтади.
Себальос бу мавсумда "Реал"нинг 30 та расмий ўйинида майдонга тушди ва 2 та голли узатмани ўз ҳисобига ёздириб қўйди.
