"Milan" bosh murabbiyi Serjiu Konseysau klubdagi kelajagi haqidagi savolga javob berdi.
Portugaliyalik murabbiyga bosim kuchayishda davom etmoqda: "rossonerilar" "Bolonya"ga (1:2) imkoniyatni boy berib, A Seriya turnir jadvalida sakkizinchi o‘ringa tushib ketdi.
"Xotirjamman. Vaziyatim oddiy: klubga kerak bo‘lmasam - ketaman va bir yevro ham so‘ramayman. Meni shu qadar qattiq tanqid qilishyaptiki, go‘yo men bu yerga yo‘q joydan kelib qolgandekman. Besh yil davomida men doimiy ravishda Italiya jamoalarini mag‘lub etdim, garchi ular mening "Portu"mdan kuchliroq bo‘lsa ham," - deya Konseysau so‘zlarini keltiradi jurnalist Nikolo Skira.
