"Barselona" markaziy himoyachisi Ronald Arauxo klub bilan shartnomani uzaytirish haqida fikr bildirdi.
Urugvaylik yanvar oyida "ko‘k-anorranglilar" bilan yangi shartnoma imzolagandi. Kelishuv 2031 yilgacha mo‘ljallangan.
"Barselona" bilan shartnomani bekorga uzaytirmadim. Uzoq vaqt qolmoqchiman. Men ko‘p marta ketishim mumkin edi, lekin yo‘q, men bu loyihaga ishonaman, o‘zimni baxtli his qilyapman," - deya 25 yoshli futbolchining so‘zlarini keltiradi Barca Universal.
Bu qishda Ronald Arauxoga "Yuventus" qiziqish bildirayotgandi, o‘tgan yili esa futbolchi "Bavariya"ga o‘tishi mumkinligi haqida mish-mishlar tarqalgandi.













