"Барселона" марказий ҳимоячиси Рональд Араухо клуб билан шартномани узайтириш ҳақида фикр билдирди.
Уругвайлик январь ойида "кўк-анорранглилар" билан янги шартнома имзолаганди. Келишув 2031 йилгача мўлжалланган.
"Барселона" билан шартномани бекорга узайтирмадим. Узоқ вақт қолмоқчиман. Мен кўп марта кетишим мумкин эди, лекин йўқ, мен бу лойиҳага ишонаман, ўзимни бахтли ҳис қиляпман," - дея 25 ёшли футболчининг сўзларини келтиради Barca Universal.
Бу қишда Рональд Араухога "Ювентус" қизиқиш билдираётганди, ўтган йили эса футболчи "Бавария"га ўтиши мумкинлиги ҳақида миш-мишлар тарқалганди.
