10 mart kuni yarim himoyachi Pol Pogbaning antidoping qoidalarini buzgani uchun diskvalifikasiya muddati tugaydi. TodoFichajes portali xabariga ko‘ra, yaqin kelajakda Pogbani "Inter Mayami" o‘z safiga qo‘shib olishi mumkin.
Manbaga ko‘ra, "Inter Mayami" Pogba klublar o‘rtasidagi yozgi jahon chempionati oldidan jamoaning yaxshi kuchaytiruvchisi bo‘lishiga ishonmoqda. 31 yoshli fransuz ayni damda Mayamida sport formasini tiklamoqda va u yerda mahalliy klubning bosh investori - Devid Bekxem bilan uchrashgan.
"Inter Mayami" safida Lionel Messi va "Barselona"ning boshqa sobiq yulduzlari o‘ynamoqda. Shu bilan birga, Pol Pogbaga boshqa klublar ham qiziqish bildirmoqda.
