"PSJ" markaziy yarim himoyachisi Fabian Ruis Fransiya chempionatini Ispaniya La Ligasiga o‘zgartirishi mumkin. Bu haqda Todofichajes portali jurnalistlari xabar bermoqda.
Manbaga ko‘ra, 28 yoshli xavbek xizmatiga Madridning "Real" klubi qiziqish bildirmoqda. "Qirollik klubi" safida Fabian Yevro-2024dan keyin faoliyatini yakunlagan germaniyalik Toni Kroosga o‘rinbosar bo‘lishi mumkin.
Ruisning transfer narxi 35 million yevroga baholanmoqda. Yarim himoyachining parijliklar bilan shartnomasi 2027 yilning iyun oyi oxirida o‘z nihoyasiga yetadi.
