"Komo" hujumchisi Assan Diao faoliyatini Angliyada davom ettirishi mumkin.

Caught Offside xabariga ko‘ra, "Liverpul" 19 yoshli futbolchining xizmatlariga qiziqish bildirmoqda, chunki ular klub bilan shartnomasi mavsum oxirida tugaydigan Muhammad Salohga o‘rinbosar izlamoqda.

Joriy mavsumda Diao "Komo" safida 27 ta o‘yin o‘tkazib, 7 ta gol urdi va jamoadoshlari uchun 3 ta golli uzatmani amalga oshirdi.

Futbolchining Italiya klubi bilan tuzgan mehnat shartnomasi 2029 yilning o‘rtalariga qadar amal qiladi.