Myunxenning «Bavariya» jamoasi bosh murabbiy Vensan Kompani qo‘l ostida joriy Bundesliga mavsumining 24 turiga kelib, 72 ta gol urdi.
Qizig‘i shundaki, hozirgi kunda myunxenliklar chempionat doirasida har o‘yinda urilgan o‘rtacha gollar soni bo‘yicha tarixiy natijalardan birini qayd etmoqda (bir o‘yinga o‘rtacha 3 ta gol). Klub ushbu tempni saqlab qolsa, BUndesliganing joriy mavsumidagi gollar sonini 100tadan oshiradi.
"Bavariya" 2019/2020 yilgi mavsumida Xans-Diter Flik qo‘l ostidagi jamoadan ham yaxshiroq ko‘rsatkich qayd etishmoqda. O‘sha mavsumda klub 100 ta gol bilan Bundesliga rekordini o‘rnatgan edi (bir o‘yinda 2,94 gol). O‘sha jamoa 2020 yil 1 mart holatiga ko‘ra, jamoa 24 o‘yinda 71 ta gol urgan edi.
Hozirgi vaqtda «Bavariya» 2024/2025 mavsumi Bundesligada 11 ochkolik farq bilan birinchi o‘rinda bormoqda. Biroq ikkinchi o‘rindagi «Bayer» bir o‘yin kam o‘tkazgan.
Eslatib o‘tamiz, «Bavariya» 2024 yil may oyida Vensan Kompanini bosh murabbiy etib tayinlagan edi. Undan oldin Kompani Angliyaning «Byornli» jamoasini boshqargan, ammo jamoani Chempionshipga tushib ketishdan saqlab qololmagan.
