Мюнхеннинг «Бавария» жамоаси бош мураббий Венсан Компани қўл остида жорий Бундеслига мавсумининг 24 турига келиб, 72 та гол урди.
Қизиғи шундаки, ҳозирги кунда мюнхенликлар чемпионат доирасида ҳар ўйинда урилган ўртача голлар сони бўйича тарихий натижалардан бирини қайд этмоқда (бир ўйинга ўртача 3 та гол). Клуб ушбу темпни сақлаб қолса, БУндеслиганинг жорий мавсумидаги голлар сонини 100тадан оширади.
"Бавария" 2019/2020 йилги мавсумида Ханс-Дитер Флик қўл остидаги жамоадан ҳам яхшироқ кўрсаткич қайд этишмоқда. Ўша мавсумда клуб 100 та гол билан Бундеслига рекордини ўрнатган эди (бир ўйинда 2,94 гол). Ўша жамоа 2020 йил 1 март ҳолатига кўра, жамоа 24 ўйинда 71 та гол урган эди.
Ҳозирги вақтда «Бавария» 2024/2025 мавсуми Бундеслигада 11 очколик фарқ билан биринчи ўринда бормоқда. Бироқ иккинчи ўриндаги «Байер» бир ўйин кам ўтказган.
Эслатиб ўтамиз, «Бавария» 2024 йил май ойида Венсан Компанини бош мураббий этиб тайинлаган эди. Ундан олдин Компани Англиянинг «Бёрнли» жамоасини бошқарган, аммо жамоани Чемпионшипга тушиб кетишдан сақлаб қололмаган.
