"Yuventus" Tyago Motta o‘rniga to‘rtta nomzodni ko‘rib chiqmoqda.
Oldinroq, agar "byankonerilar" kelasi mavsumda Chempionlar ligasida ishtirok eta olmasa, murabbiy Turin klubidan haydalishi ma’lum bo‘lgandi.
La Gazzetta dello Sport nashri xabariga ko‘ra, "Yuventus" Mottaning o‘rnini egallash imkoniyatlarini allaqachon o‘rganib chiqmoqda. Ular orasida "Atalanta" ustozi Jan Pyer Gasperini ham bor. Ta’kidlanishicha, u Turin klubini boshqarishga qarshi emas.
Shuningdek, ayni damda "Napoli"ni boshqarayotgan Antonio Kontening qaytishi ham ko‘rib chiqilmoqda. "Yuventus" "Marsel" ustozi Roberto De Zerbiga ham qiziqish bildirmoqda.
Yana bir nomzod - Igor Tudor, u 2024 yilda "Lasio"dan ishdan bo‘shatilganidan keyin ishsiz yuribdi. Biroq, sanab o‘tilganlarning barchasidan uning varianti eng kam ehtimol deb atalmoqda.
