"Ювентус" Тьяго Мотта ўрнига тўртта номзодни кўриб чиқмоқда.
Олдинроқ, агар "бьянконерилар" келаси мавсумда Чемпионлар лигасида иштирок эта олмаса, мураббий Турин клубидан ҳайдалиши маълум бўлганди.
La Gazzetta dello Sport нашри хабарига кўра, "Ювентус" Моттанинг ўрнини эгаллаш имкониятларини аллақачон ўрганиб чиқмоқда. Улар орасида "Аталанта" устози Жан Пьер Гасперини ҳам бор. Таъкидланишича, у Турин клубини бошқаришга қарши эмас.
Шунингдек, айни дамда "Наполи"ни бошқараётган Антонио Контенинг қайтиши ҳам кўриб чиқилмоқда. "Ювентус" "Марсель" устози Роберто Де Зербига ҳам қизиқиш билдирмоқда.
Яна бир номзод - Игор Тудор, у 2024 йилда "Лацио"дан ишдан бўшатилганидан кейин ишсиз юрибди. Бироқ, санаб ўтилганларнинг барчасидан унинг варианти энг кам эҳтимол деб аталмоқда.
