"PSJ" bosh murabbiyi Luis Enrike Fransiya chempionati doirasidagi "Lill"ga qarshi o‘yinda ishonchli g‘alabaga erishilgani haqida gapirdi. Unda parijliklar 4:1 hisobida g‘alaba qozondi.
"PSJ" mavsumning eng yaxshi birinchi taymini o‘tkazdi. "Lill"dek kuchli raqibga qarshi 4 ta gol va yana ko‘plab vaziyatlar. Bu o‘yin bizning hozirgi darajamizni ko‘rsatadi. Endi Chempionlar ligasiga o‘tamiz. Oldinda bizni "Liverpul"ga qarshi ikkita o‘yin kutmoqda. Biz tiklanishimiz kerak," - deya ispaniyalik mutaxassisning so‘zlarini keltiradi L'Equipe.
