"Inter" yarim himoyachisi Davide Frattezi faoliyatini Angliya Premyer-ligasida davom ettirishi mumkin.

"Tottenxem" 25 yoshli futbolchini sotib olmoqchi. «Transfer News Live» «InterLive» nashriga tayanib xabar berishicha, "shporlar" kelasi yozda italiyalik uchun 25 million funt sterling (30 million yevrodan ortiq) taklif qilishga tayyor. London klubi futbolchiga yanvar oyida qiziqish bildirayotgani haqida xabarlar tarqalgan edi, biroq u shartnomani rad etgandi.

Davide Frattezi joriy mavsum "neradzurrilar" safida 32 ta o‘yinda maydonga tushib, 4 ta gol urdi va 2 ta golli uzatmani amalga oshirdi. «Transfermarkt» portali yarim himoyachining narxini 32 million yevroga baholamoqda.