"Интер" ярим ҳимоячиси Давиде Фраттези фаолиятини Англия Премьер-лигасида давом эттириши мумкин.

"Тоттенхэм" 25 ёшли футболчини сотиб олмоқчи. «Transfer News Live» «InterLive» нашрига таяниб хабар беришича, "шпорлар" келаси ёзда италиялик учун 25 миллион фунт стерлинг (30 миллион евродан ортиқ) таклиф қилишга тайёр. Лондон клуби футболчига январь ойида қизиқиш билдираётгани ҳақида хабарлар тарқалган эди, бироқ у шартномани рад этганди.

Давиде Фраттези жорий мавсум "нерадзуррилар" сафида 32 та ўйинда майдонга тушиб, 4 та гол урди ва 2 та голли узатмани амалга оширди. «Transfermarkt» портали ярим ҳимоячининг нархини 32 миллион еврога баҳоламоқда.