"Manchester Yunayted" Angliya kubogining 5-bosqichida "Fulxem"ga imkoniyatni boy berdi. Uchrashuvning asosiy va qo‘shimcha bo‘limlarida jamoalar g‘olibni aniqlay olishmadi (1:1), penaltilar seriyasida esa mehmonlar aniqroq harakat qilishdi – 4:3.
O‘yindan so‘ng "qizil iblislar" bosh murabbiyi Ruben Amorimdan Rasmus Xyoylundning uzoq davom etgan golsiz seriyasi fonida hujumchilar bilan bog‘liq muammolar haqida so‘rashdi.
"Hujumdagi o‘zgarishlarmi? Keyingi o‘yinlarda hamma narsa bo‘lishi mumkin. Hammasi raqibning xususiyatlariga va futbolchining jismoniy tayyorgarligiga bog‘liq. Keyinni o‘yinlarda bizga g‘alaba qozonish uchun eng yaxshi imkoniyatni beradigan futbolchi o‘ynaydi", - dedi Amorim.
6 mart kuni "Manchester Yunayted" Yevropa Ligasi 1/8 finalida "Real Sosyedad"ga qarshi safarda maydonga tushadi.
