"Fulxem" bosh murabbiyi Marku Silva Angliya kubogining "Manchester Yunayted"ga qarshi o‘yini haqida fikr bildirdi.
Jamoalar asosiy va qo‘shimcha bo‘limlarda g‘olibni aniqlay olmadi - 1:1. Penaltilar seriyasida londonliklar kuchliroq chiqbi - 4:3.
"Biz ba’zi vaziyatlarda juda yaxshi edik, golli vaziyatlar yaratdik. Ikkinchi bo‘lim va qo‘shimcha bo‘limlarda ko‘rsatgan o‘yinimizdan faxrlanaman, chunki "Old Trafford"da ustunlik qildik. Jamoa dadil harakat qildi. Penaltilar seriyasida futbolchilar sovuqqonlik ko‘rsatishdi.
90 daqiqadan keyin g‘alabaga loyiqmidik? Menimcha, ha. "MYU"da o‘z imkoniyatlari bo‘ldi, ammo menimcha, biz yaxshiroq o‘ynadik," - deya Silvaning so‘zlarini keltiradi BBC.
1/4 finalda "Fulxem" "Kristal Pelas" bilan to‘qnash keladi. O‘yin 29 mart kuni bo‘lib o‘tadi.
