Jorjio Furlani "Milan"ning halokatli mavsumi haqida gapirdi.

"Milan" A Seriyaning 27-turida “Latsio”ga imkoniyatni boy berdi (1:2). Jamoa qatorasiga uchta o‘yinda mag‘lub bo‘ldi. “Rossoneri” pley-off bosqichida “Feyenoord”ga yutqazib, Chempionlar ligasidan chiqib ketishdi va hozirda chempionatda 9-o‘rinda bormoqda.

"Mavsum boshida biz katta umidlarga ega edik va ularni amalga oshirish uchun barcha imkoniyatlarimiz bor edi. Biz xohlagan narsani qilmadik va Italiya Superkubogida g‘alaba qozonganimizga qaramay, hozircha o‘yinimiz qoniqarsiz. Har qanday holatda ham biz oldinga qarashimiz kerak, chunki o‘tmishni endi o‘zgartirib bo‘lmaydi.

Natijalardan barchamiz hafsalamiz pir bo‘ldi, lekin biz birdamlikni saqlab qolamiz. Bu vaziyatdan faqat birgalikda chiqa olamiz. Men va Ibragimovich o‘rtasida hech qanday ziddiyat yo‘q, murabbiyni almashtirish borasida ham muhokamalar yo‘q. Biz hamjihat bo‘lishimiz va mavsumni munosib yakunlash uchun harakat qilishimiz kerak", dedi “Milan” bosh direktori.