"Barselona" yozgi transferlar oynasida o‘z safiga yangi futbolchilar qo‘shib olishi kutilmayapti.

Kataloniya grandi ko‘plab yulduz futbolchilarga da’vogar hisoblanadi, ammo yaqin kelajakda yirik bitimlarni kutish kerak emas. Relevo xabariga ko‘ra, hozircha "Barselona"da yangi futbolchilarni sotib olish uchun mablag‘ yo‘q. Katta ehtimol bilan, jamoaning hozirgi qimmatbaho o‘yinchilaridan biri bilan xayrlashilsa, vaziyat o‘zgaradi.

Qishki transfer oynasida "ko‘k-anorranglilar" hech kimni o‘z safiga qo‘shib olmadi, ammo Vitor Rokeni sotishga muvaffaq bo‘ldi - "Palmeyras" forvard uchun 25 million yevrodan ko‘proq to‘ladi.