"Барселона" ёзги трансферлар ойнасида ўз сафига янги футболчилар қўшиб олиши кутилмаяпти.

Каталония гранди кўплаб юлдуз футболчиларга даъвогар ҳисобланади, аммо яқин келажакда йирик битимларни кутиш керак эмас. Relevo хабарига кўра, ҳозирча "Барселона"да янги футболчиларни сотиб олиш учун маблағ йўқ. Катта эҳтимол билан, жамоанинг ҳозирги қимматбаҳо ўйинчиларидан бири билан хайрлашилса, вазият ўзгаради.

Қишки трансфер ойнасида "кўк-анорранглилар" ҳеч кимни ўз сафига қўшиб олмади, аммо Витор Рокени сотишга муваффақ бўлди - "Палмейрас" форвард учун 25 миллион евродан кўпроқ тўлади.