«Тоттенҳэм» ва Испания терма жамоаси ҳимоячиси Педро Порро «Реал»га ўтишни хоҳламоқда.

Журналист Марио Кортеганинг хабар беришича, футболчи шу ёз «қаймоқранглилар» сафига қўшилишни жуда истаган. Аммо у Мадрид клуби унинг номзодини кўриб чиқмаслигини тушунган. Вазият айнан шундай якун топди — «Реал» Поррони харид қилишдан манфаатдор эмас.

Педро Порро 2023 йилда 40 миллион евро эвазига «Спортинг»дан «Тоттенҳэм»га ўтган эди. Унинг «шпорлар» билан тузган шартномаси 2031 йилнинг 30 июнига қадар мўлжалланган. 2025/26 йилги мавсумда ҳимоячи Лондон клуби сафида барча турнирларда 47 та ўйинда майдонга тушиб, 2 та гол урди ва 6 та голли узатмани амалга оширди. Transfermarkt портали Поррони 35 миллион еврога баҳоламоқда.