«Tottenhem» va Ispaniya terma jamoasi himoyachisi Pedro Porro «Real»ga o‘tishni xohlamoqda.

Jurnalist Mario Korteganing xabar berishicha, futbolchi shu yoz «qaymoqranglilar» safiga qo‘shilishni juda istagan. Ammo u Madrid klubi uning nomzodini ko‘rib chiqmasligini tushungan. Vaziyat aynan shunday yakun topdi — «Real» Porroni xarid qilishdan manfaatdor emas.

Pedro Porro 2023 yilda 40 million yevro evaziga «Sporting»dan «Tottenhem»ga o‘tgan edi. Uning «shporlar» bilan tuzgan shartnomasi 2031 yilning 30 iyuniga qadar mo‘ljallangan. 2025/26 yilgi mavsumda himoyachi London klubi safida barcha turnirlarda 47 ta o‘yinda maydonga tushib, 2 ta gol urdi va 6 ta golli uzatmani amalga oshirdi. Transfermarkt portali Porroni 35 million yevroga baholamoqda.