Sky Sport jurnalisti Florian Plettenbergning ma’lum qilishicha, "Bavariya" o‘ng qanot himoyachisi Sasha Boeni sotishga tayyor.

Manbaga ko‘ra, 24 yoshli fransuz yozda Myunxen jamoasini tark etishi mumkin, agar klubni qoniqtiradigan taklif tushsa.

Boe o‘zini asosiy tarkib futbolchisi sifatida ko‘rsatmadi. Keyingi mavsumda o‘ng qanot himoyasi uchun asosiy variantlar Konrad Laymer va Yosip Stanishich bo‘ladi.

O‘tgan yilning qishida "Bavariya" Boeni "Galatasaroy"dan 30 million yevroga sotib olgandi. U joriy mavsum 11 ta o‘yinda 1 ta golli uzatmani amalga oshirdi.