Milanning “Inter” klubi darvozaboni Yann Zommer jarohatidan so‘ng safga qaytdi.
Fevral oyi oxirida shveysariyalikning barmog‘i operasiya qilingandi. "Neradzurrilar" ustozi Simone Indzagi xabar berganidek, endi 36 yoshli futbolchi maydonga qaytishga tayyor.
"Zommer juda qattiq mehnat qildi. Uning barmog‘i kichik operasiya qilindi, lekin u kecha va bugun mashg‘ulot o‘tkazdi va o‘yinlarga tayyor, biz bundan juda xursandmiz, ammo Xosep Martines "Feyenoord"ga qarshi o‘ynaydi", - dedi Indzagi intervyusida.













