O‘zbekiston milliy jamoasi darvozaboni Abduvohid Ne’matov Match TV nashri bilan suhbatda jamoa 2026 yilgi Jahon chempionati final bosqichiga chiqish uchun barcha imkoniyatlarini ishga solishini haqida gapirdi.

— O‘zbekiston terma jamoasi tarixiy voqelik – Jahon chempionatiga chiqishga juda yaqin. Intizorlik bilan kutyapsizmi?
— Xudo xohlasa, hammasi biz o‘ylagandek ketmoqda. Orzumizni amalga oshirishga oz qoldi. Oldinda yana to‘rtta o‘yin bor, Jahon chempionatiga chiqish uchun yaxshi imkoniyatga egamiz.

— Terma jamoangiz Shimoliy Amerikaga sayyoh sifatida boradimi?
— Hech qachon! Biz O‘zbekiston bayrog‘i va madhiyasi uchun kurashamiz.

— Husanov “Manchester Siti”ga o‘tdi. Buni katta transfer deb hisoblaysizmi?
— Bu juda yaxshi transfer bo‘ldi. U ingliz klubida o‘ynab keta olishiga darhol ishonganman. Abduqodir bilan bitta jamoada o‘ynayman, shu bois sizlardan ko‘ra u haqida ko‘proq bilaman. Umid qilamanki, Husanov katta yulduz bo‘la oladi.

— Sizning tanlovingiz qaysi — “Real” yoki “Barselona”?
— “Barselona”, deydi Nematov Match TV bilan suhbatda.

Ma’lumot uchun, O‘zbekiston terma jamoasi hozirda o‘z guruhida ikkinchi o‘rinda bormoqda. Mart oyida MTJ Qirg‘iziston va Eronga qarshi bahs olib boradi.