"Real" o‘tgan yilning o‘zida "Santyago Bernabeu" stadionini rekonstruksiya qilishni yakunladi, buning uchun katta mablag‘ - taxminan 1,76 milliard yevro sarfladi. Yaqin kelajakda "qaymoqranglilar" arenasida yana ishlar olib boriladi. «Mundo Deportivo» xabariga ko‘ra, "Real" "Bernabeu" sig‘imini 79 mingdan 85 ming kishiga oshirishni rejalashtirmoqda.
FIFA qoidalariga ko‘ra, jahon chempionati finali stadioni kamida 80 ming kishiga mo‘ljallangan bo‘lishi kerak. 2030 yilgi jahon chempionatining final uchrashuvi bo‘lib o‘tishi kerak bo‘lgan "Real" arenasi normalarga javob berishi uchun biroz yetmayapti.
2030 yilda jahon chempionatiga birdaniga uchta davlat - Ispaniya, Portugaliya va Marokash mezbonlik qiladi.
