Chorshanba oqshomida Xvicha Kvarasxeliya "PSJ" safida Chempionlar ligasi pley-off bosqichi doirasida "Liverpul"ga qarshi bahs olib bordi. Gruziyalik futbolchi qishda "Napoli"dan parijliklar safiga o‘tdi. «Sky Italy» nashri xabariga ko‘ra, transferdan bir necha oy oldin Kvarasxeliya uchun "Liverpul" 100 million yevrolik taklif bilan chiqqandi. Ingliz klubi futbolchini mavsum oxirigacha "Napoli"da qolishini xohlagan va 2025 yilning yozida sotib olishni rejalashtirgan edi. Biroq, A Seriya klubi o‘shanda o‘z yulduzi bilan shartnomani uzaytirish imkoniyatiga ishonib, taklifni rad etgandi.

Yanvar oyida "Liverpul" Kvarasxeliya transferi uchun "PSJ" bilan kurashishi mumkin edi, ammo Angliyadan rasmiy taklif bo‘lmadi.