Madridning “Real” klubi bosh murabbiyi Karlo Anchelotti nega o‘yin vaqtida saqich chaynashini tushuntirib berdi.
"Saqiz chaynash? Bu stressdan xalos bo‘lishning bir usuli. Ba’zilar meni bu uchun tanqid qilishadi, lekin menga bu yo‘l yoqadi. O‘yin boshlanganda yurak urishim keskin ko‘tariladi. Menimcha, saqich chaynash menga uni normal chegaralarda boshqarishga yordam beradi", - deydi italiyalik mutaxassis.
"Qirollik klubi" navbatdagi o‘yinni o‘z uyi "Bernabeu"da "Rayo Valyekano"ga qarshi o‘tkazadi. Uchrashuv 9-mart, yakshanba kuni bo‘lib o‘tadi.
