"Manchester Yunayted" Madridning "Real" klubi va Ukraina terma jamoasining 26 yoshli darvozaboni Andrey Luninga qiziqish bildirmoqda. Bu haqda X (sobiq Twitter) ijtimoiy tarmog‘idagi Transfer News Live xabar berdi.
Manbaga ko‘ra, "qizil iblislar" Luninning transferi uchun 40 mln yevro to‘lashga tayyor.
Joriy mavsumda darvozabon barcha turnirlarda to‘qqizta o‘yinda maydonga tushdi, shundan to‘rttasida u darvozasi dahlsizligini saqlab qoldi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan.













