"Bavariya" Bundesliganing 25-turida kutilmaganda o‘z maydonida "Boxum"ga mag‘lub bo‘ldi (2:3).

Myunxenliklar 28-daqiqaga kelib 2:0 hisobida oldinga chiqib olishgandi, ammo mehmonlar ko‘p o‘tmay hisobni bittaga qisqartirishdi va birinchi bo‘lim oxirida yarim himoyachi Joau Palinya maydondan chetlatildi.

Tanaffusdan so‘ng “Boxum” raqib darvozasiga javobsiz ikkita gol urib, g‘alabani qo‘lga kiritdi.

"Biz mag‘lub bo‘ldik, uzr so‘rashga hojat yo‘q. Nima bo‘lganini xohlaganingizcha tahlil qilishingiz mumkin, ammo biz mas’uliyatni o‘z zimmamizga olishimiz va keyingi o‘yinga tayyorlanishimiz kerak. Ilgari futbolchilar yo‘qotishlarga doim to‘g‘ri munosabat bildirishardi.

Tanqid muqarrar ekanini tushunish kerak, ammo biz bor e’tiborimizni keyingi o‘yinga qaratishimiz kerak", - deya Kompanining so‘zlarini keltiradi Bayern & Germany.

"Bavariya" seshanba kuni Chempionlar ligasi 1/8 finalining javob o‘yinida safarda "Bayer"ga qarshi o‘ynaydi.