"Бавария" Бундеслиганинг 25-турида кутилмаганда ўз майдонида "Бохум"га мағлуб бўлди (2:3).

Мюнхенликлар 28-дақиқага келиб 2:0 ҳисобида олдинга чиқиб олишганди, аммо меҳмонлар кўп ўтмай ҳисобни биттага қисқартиришди ва биринчи бўлим охирида ярим ҳимоячи Жоау Палинья майдондан четлатилди.

Танаффусдан сўнг “Бохум” рақиб дарвозасига жавобсиз иккита гол уриб, ғалабани қўлга киритди.

"Биз мағлуб бўлдик, узр сўрашга ҳожат йўқ. Нима бўлганини хоҳлаганингизча таҳлил қилишингиз мумкин, аммо биз масъулиятни ўз зиммамизга олишимиз ва кейинги ўйинга тайёрланишимиз керак. Илгари футболчилар йўқотишларга доим тўғри муносабат билдиришарди.

Танқид муқаррар эканини тушуниш керак, аммо биз бор эътиборимизни кейинги ўйинга қаратишимиз керак", - дея Компанининг сўзларини келтиради Bayern & Germany.

"Бавария" сешанба куни Чемпионлар лигаси 1/8 финалининг жавоб ўйинида сафарда "Байер"га қарши ўйнайди.